Этникалык кыргыздар

Жаштайынан жетим калган 4 баласын кол өнөрчүлүк менен багып жетилткен Бүбүанар Сатаркулова Кара-Балта шаарынын 57 жаштагы тургуну. Анын туулуп өскөн кичи мекени Тажикстандагы күндөрү жана балалыктан башталган кол өнөрчүлүгү менен аймактык кабарчы таанышты. Бүбүанар Сатаркулова 1963-жылы Тажикстандын Хорог облусуна караштуу Мургаб районундагы Раң-Көл айылында туулган. Ал тоолуу аймактагы турмуш жолдору жөнүндө мындайча эскерет. «Мен төрөлгөн Мургаб району тоолуу…

Ош облусунун Алай районуна Ооганстандан көчүп келген этникалык кыргыздар кыргыз тилин бир жумадан бери үйрөнүп жатышат. Бирок алардын айрымдары кат таануудан баш тартышууда. Сары-Могол айылынын башчысы Рахматилла Саитов «Клоопко» эки мугалим 50 памирликтин 36сын окутуп жатканын билдирди. «Эч кимиси кат тааныбагандыктан Алиппе китеби менен тамга таануудан башталды. Аялдардын арасында окуудан баш тарткандары да бар. Алар негизинен үй кожойкелери.…

1979-жылы 12-декабрда СССРдин жетекчилиги Афганистанга армиясын киргизүү жөнүндө чечим кабыл алат. Эң биринчилерден болуп Афганистанга аскердик транспорттук учактар менен 103-гвардиялык аба-десант дивизиясы жеткирилген. 1978-жылы апрелде Афганистандын жаңыдан бийликке келген "Элдик демократиялык" партиясынын лидерлери өлкөдө социалдык-экономикалык реформаларды жүргүзүүгө умтулган. Ошол эле учурда мурдагы бийликтин тарапкерлерине, диний өкүлдөргө жана оппозицияга каршы аёосуз репрессияларды жүргүзөт. Дал ушул себептен улам өлкөдө жарандык согуштун…

Кыргызстанда жашап жаткан памирлик кыргыздардын өкүлү Молдо Абдул Хак Памирдеги кыргыздардын атынан Чоң жана Кичи Памирдеги (Ооганстан) этникалык кыргыздардан дагы 30 үй-бүлөнү кабыл алууну суранды. Мындай суранычын бүгүн, 13-январда Жогорку Кеңештин депутаты Аида Исмаилова, Миграция кызматынын төрагасы Болотбек Ибраимжанов, тышкы иштер министринин кеңешчиси Алмазбек Асанбаев жана миграция маселелери боюнча адистердин катышуусундагы жолугушууда айтты. Бул жолугушууга памир кыргыздарынын өкүлү Памир Абдул…

Мургаб районуна караштуу Кызыл-Рабат жамаатында 3-январь күнү жердештерибиз ордо оюнунда күч сынашып мелдеш өткөрүштүлөр. Ордо (ашык) оюну Жаңы Жыл майрамына карата Кызыл-Рабат жамааты тарабынан уюштурулуп, ага Шаймак жана Токтомуш айылдарынын тургундары болуп жалпы 12 команда катышты. Жыйынтыгында жеңүүчүлөргө акчалай сыйлыктар берилди. Ушундай улуттук оюндар Сары-Кол өрөөнүндө дайыма өткөрүлүп турат.

Ош облусунун Алай районуна памирлик 9 үй-бүлө көчүп келди. Бул маалыматты Сары-Могол айыл өкмөтүнүн башчысы Рахматилла Саитов тастыктады. 9 үй-бүлө кечээ, 23-декабрь күнү Алай районунун Сары-Могол айыл өкмөтүнүн Сары-Могол айылына көчүп келишкен. Алар Х.Алимсеитов орто мектебинин эски имаратына жайгаштырылды. «Буга чейин биздин айылга памирлик 2 үй-бүлө көчүп келген. Кечээ дагы 49 адам көчүп келди. Учурда жыл аяктап калгандыктан…