Күндө санаа оюңуз

Күндө санаа оюңуз,

Күздө деп болжойм тоюңуз.

Ак карлуу кышта арбайып,

Арык бир болот коюңуз.

Камдаган кара союшуң,

Караймын туяк оюшун.

Кулагын эмес куркуйган,

Курсагын ойлойм тоюшун.

Даңгинин белин караймын,

Далай бир койду санаймын.

Түлөбөй жүргөн эчкинин,

Түгүнү кантип тараймын.

Кызылдан бархут жабарым,

Кыйытпа тойдун кабарын.

Согулбай турса соолугуң,

Союшту кайдан табамын.

Кыл кыйбай турса улагың,

Кыйкырбай учса уларың.

Топтошсо жороң токмоктой,

Тополоң кылчу буларың.

Шорпого салчу майыңыз,

Шорголоп турса сайыңыз.

Белдемчи баасыз бегиңиз,

Бекерге кетер айыңыз.

Кыйытып сөздү кырк ырдан,

Кыйма бир сакал кыркылган.

Чаар өгүздүн жонунда,

Чапаның кетер кыр-кырдан.

Тоютту түздөп алдырың,

Тоюңду күзгө калтырың.

Дөө пирлер кулап кетсе да,

Дөңсөөгө дүрбү салдырың.

Койо тургун оюнду,

Колго кармап боюңду.

Күнгөйдүн чөбүн откоруп,

Күздө бир сойгун коюңду.

Толгой кармап билектен,

Токтотуп тургун Тоюнду.