-Тамактанарда колуңду жууганды унутпа.
-Дасторкон четине улуу кишилер жайланышкандан кийин гана орун ал. Отурганда ар жакты кылчактап карай бербе.
-Таянып отурба.
-Жей турган тамагыңды тарелкага чактап салып ал. Баарын салып алба, анткени сенден башкалар да андан ооз тийиши керек.
-«Мага бул бөлүгү жакты, чоң экен, ошону алам» деп тандаба. Кайсы бөлүк сага жакын болсо, ошонусун ал.
-Тамакты шашылбай же.
-Чайнап жатканда сүйлөбө.
-Оозуңдагыны жутуп, анан сүйлө.
-Чайды, суусундуктарды шорулдатып ичпе.
-Эгер колуңдагы кашык, айрыны жерге түшүрүп алсаң кечирим сурап, тазасын сура. Анан да эмнеге түшүрүп алганыңды айтып актанба.
-Тамакты жеп болгон соң оозуңду колуң же жеңиңдин учу менен аарчыбай, кол аарчыны пайдалан.
-Дасторкондон турарда бата кылып, үй ээсине рахмат айтууну унутпа.