Жаштар биздин келечек,
Жашообузга нур себет.
Бар болгула ар дайым,
Силерге ким тең келет.
Жаштар барда иштер көңүлдүү,
Жаштар үчүн узак берсин өмүрдү.
Ушул жылы ыйман адеп өнүгүп,
Туш тараптан бакыт нуру төгүлдү.
Жаштар алга желбиретип байракты,
Эрденгиле бекем кармап кайратты.
Канчалаган баатыр чыккан элимден,
Канча жолу душман колун кыйратты.
Ушул майрам даңктуу өтүп элимде,
Тынчтык менен ынтымактык жеримде.
Келечектин ээси болуп дайыма,
Алга, алга биздин жаштар келгиле.
Жаштар үчүн быйыл кандай салтанат,
Элим жыргап, өлкө гүлдөп даңктанат.
Эч кайгырбай узак өмүр сүргүлө,
Эрктүү болуп эл четинде жүргүлө.
Сейитов Каныбек, №4 жалпы орто билим берүү
мекемесинин мугалими, Ыраң-Көл айылы
«САРЫКОЛ» пресс