Сары кол көздүн нуру сагынычым ,
Угуп кой уулуңдун тарынычын.
Сагыныч ичке толгон кусалыкты,
Билемин өзүң менен айыгышын.
Сааттан күн куралды, күндөн апта,
Аптадан ай куралып калды артта.
Айдан ай мезгилдерди алмаштырып,
Өмүрлөр өтүп жатат алыс жакта.
Өзүндөн алыс жүрдүм жылдар өттү,
Көп эстеп көп ойлонуп көңүл чөктү.
Калемим ары бери чиймелеген,
Сагыныч баракчасын ырлар өптү.
Бала чак күлгүн курак гүлүм сенде,
Атакем курган уя үйүм сенде.
Канткенде жеткире алам тилим менен,
Ата журт өчпөс сезим сүйүүм сенде.
Токтобек Камаров
Мургаб району