Кубанычбек Тойчиев: "Мургабым" (ырлар жыйнагы)

Мургабым

Ырлар чыгат,чын жүрөктөн агылып .

Туулган жер жамалыңды сагынып .

Күндөр өтөт, айлар өтөт агылып .

Кусалыктар жүрөктөргө тагылып .

Өмүр өтөт элестери жазылып .

Сары кол деп печеттери басылып .

Турмуш , тагдыр сапарлары жарышып .

Аалам кезүү багытына чачылып .

Кыргыз элим көчмөн кыргыз аталып .

Кытай , Ооган жерлеринен үн салып .

Сары колдон, Ала-Тоого чет өлкөгө жол салып

Чар тараптан кыргызмын деп жар салып .

Азретим колдоп жургон Мургабым .

Артта калды мени өстүргөн жыдарың .

Бир өзүңө арзыбаган ырларым .

Эстен кетпейт улуу сенин сырларың .

Бир өзүңдө балалыгым жыргалым .

Өз койнунда жашап өскөн жылдарым .

Өмүр барат ,өксүу менен кыйналып .

Жашоомдун көркү сенсиң Мургабым .

Сары-Кол

Аруу , таза шыңгыраган булагың.

Аска, зоодон агып тушкон сууларың .

Келберсиген келишимдуу кырларың .

Тоо койнунда толкуп ташкан ырларың .

Ыр бермети чабыттаган куш сымак .

Ой балкытып терең ойго батырат .

Сары колдо улуу тоолор үн салып .

Кайда кеттиң Сары колчум деп чакырат .

Ыр дүйнөсү чалкып жаткан көл сымак .

Жан дүйнөнү терең ойго калтырат .

Сары колумдун санжыралуу сабагы.

Саябандуу күлүк сымал чаптырат .

Аралашып алп тоолорду аралап.

Түшкө кирген Аян сымал чагылат .

Ой тизмеги , ак куу сымал сабалап .

Сары колумдун жамалына азгырат .

Энекем

Жашоодо эмне кымбат Эне кымбат .

Эненин мээримине улуу урмат .

Бейиштин эң төрүнөн орун алган .

Энелер эң кымбатсың асыл сымбат.

Энеке ыйык затсың таазим кылам .

Балам деп балаң үчүн күйүп жанган .

Энеке мееримиңе моокум канбай .

Неберең эне десе ичтен сызам .

Энелер жемиш багы соолубаган .

Жан дүйнөң кереметтүү гүл жайнаган .

Аруусуң ак булуттан чыккан айдай .

Ааламда теңдеши жок асыл задам.

Адамзат

Ай шооласы жарык чачып ааламга .

Сансыз жылдыз ,жымыңдашат асманда .

Тоо үстүндө ак булуттар калкылдап .

Жылып барат көчүн улап жай гана

Таң шүүдүрүм,куланөөк таң атат .

Теребелге көз чаптырсаң жан, жаныбар кыймылда .

Жашоо , турмуш гыбыраган адамзат .

Жашоо ,шамы бүл,бүл жанып түркүн куштар сайрашат .

Күн жылмаят нурун чачып ааламга .

Гөр тирилик шарданына агылып.

Ким, каякка түрлүү жумуш теринүү да изденүү .

Жашоо шарты ушундай да адамзат .

Өмүр

Өмүр дайра кееде толкуп, ташыган .

Мезгил сымак толкундары тартылган .

Турмуш чиркин кееде ызгаар, кееде жай .

Толкун ташып, бойго жеткен боз улан .

Жаштык кезиң жалындаган жаш убак .

Ким , каякка кайсы жолго багыттап .

Өмүр чеги токтой турган бир убак .

Өткөн дооруң кайра келбес ал убак .

Өмүр узап кылдыраган араба .

Күлгүн , курак күлүмсүрөп тее артта .

Узун жолдо ушаланган убакыт .

Улгайуунун чийиринде жол тарта .

Сары колум

Сансыз кылым жашап келген бабалар .

Сары колумда санжыралуу дастандар .

Улуу Кытай, Ооган , жерин жердешип .

Жашап өткөн , жашап келет далайлар .

Узун Таарых окуялар, баяндар .

Өткөн кылым, өткөн далай замандар .

Улуу Памир, Сары колумду мекендеп .

Улуу муун жашап келет байыртан .

Сары колумда касиеттүү сырлар бар .

Кайберени Алтын, күмүш байлыктар .

Сырлуу дуйнө берешендуу, куудул сымал элим бар .

Жылга , жыбыт төрт түлүккө төп келишкен жери бар .

Ыр дүйнөсү жүрөгүмдө кыялап .

Жазып келем ак дептерди сыялап .

Улуу тоого салам айтам Сары колум .

Бар бол элим жаратканга амаанат .

Мен Кыргызмын

Кайдан келдиң кимсиң атым сураба.

Тегим кыргыз, элим кыргыз ак калпагым башымда .

Сары колдо улуу тоодон шаңшыган .

Кыраан кыргыз ,чыгаан кыргыз атым бар .

Улуу таарых сабактарын барактап .

Ачып көрсөң санжыраны аярлап .

Кыргыз кайда,кыргыз кайдан сурасаң .

Айтып берет улуу таарых баяндап .

Сары колдон , Ала тоого жол салган .

Көчмөн кыргыз улуу даңктуу аталган .

Манас баатыр кырк чоросу кошууну .

Кытай, Ооган жергесинде жоо чапкан

Баткен

Мекен коргоо эр азамат колуңда .

Түркүн тагдыр, жашоо турмуш жолуңда .

Улуу сыймык жоокер сенин атың да .

Жоо бетинде, эл четинде мекен коргоо намыста .

Улуу Кыргыз ар намыска бек болгон .

Көк жал бөрү атыңа да төп келген .

Улуу Кыраан бүркүтсүңөр шаңшыган .

Түшүрбөгүн ак калпагың ар намысың башыңдан .

Баткен жери унутулбайт, каргашалуу окуя .

Окко учкан , жараат алган шумкарлар .

Эстен кетпейт жазылат го тарыхка .

Кыргыз эли Ата Эне унутулбайт эч качан .