Түштө ойгоном...

Согуш бүттү, келет деген келбедиң,

Элесиңди, караан тутам эрмегим.

“Кара кагаз” алганым жок ал жактан,

Же, дайынсыз... кайсы жерди жердедиң?

Суук кабар, бүт айылың кара кийди...

Аргасыздан тагдырына башын ийди.

Каралдым ай, жалгызым, дайның айтчы?

Кай немистин огу келип сага тийди?!

Жеңиш менен келем деп айткан элең,

Оо, жалгызым, какшап калды минтип энең. “

Дайны жоктор” санына кошуп салды,

Кагаз да жок, карааның жок, кайда берем.

Түштө ойгоном, томсоргон мүрзө турат,

Армандарым Аалам кезип, боздоп кулайт.

Каралдым ай, сагынып күтүп жүрөм,

Ар ар кими дайныңды менден сурайт.

Түштө ойгоном... томсоргон мүрзө турат...