Менин элим
Тоо койнунда үч үйлүү бар бакканы мал
Жашыл шибер бейиш туура жатканыңар
Тунук булак күмүштөн суу ичкениңер
Аска зоолор алтын кечип басканынар
Терскен, кык коломтого жакканынар
Ыйык шоола чачып турат ак таңыңар
Шиберде өсүп турган гүл өңдөнүп
Казандан жыты урган ах... наныңар
Каухар таш көктөн жааган ак карыңар
Ак аркар тоодон тандап атканыңар
Ыйык жер гүл бейиштин арасында
Кой, топоз жана эчки бакканыңар
Ынтымак ыйман тунук тилегиңер
Ата-Журт Ата мекен жүрөгүңөр
Бийикте өмүр сүргөн менин элим
Күч кубат биримдикте билегиңер
Мераж Теитбаев
Мургаб району