Акыркы учур ушул сөз кулак тешет,
Үйлөн дешет эли журт үйлөн дешет.
Бел байлап келечекке кадам жасап,
Эртереек аш оокатка үйрөн дешет...
Үйлөн дешет агалар үйлөн дешет,
Сендей кезде далай кыз сүйгөм дешет.
Кээ бири айта кетет армандарын,
Кеч үйлөнүп убакыттан күйгөм дешет...
Үйлөн дешет ата энем асылдарым,
Үйлөн дешет курбу курдаш жакындарым.
Теңимди Кудай буйруп тапканымча,
Турса экен бекем кармап сабырларын...
Токтобек Камаров
Мургаб району Токтомуш айылы