Асанкул кызы Калила: "Сары-Колум" (ыр саптар)

Сары-Колум

Мейкиндигин улуу тоолор курчап турган,

Суктанып чет элдиктер көңүл бурган.

Таштаба Сары-Колумдай ыйык жерди,

Суранам мен баарыңдан кыргыз тууган.

Туу тутуп мекен кылып Сары-Колумду,

Илгертеден ата бабам жашап келген.

Сары-Колдой ыйык жерде кор болбойсуң,

Себеби олуялар бата берген.

Тоосунда бүркүт шаңшып сайрап турган,

Тоосунда улар шаңшып сайран курган.

Сары-Колдой ыйык жерге мен ар дайым,

Ийилип, тизе бүгүп таазим кылам.

Таджикистаным

Көз каранды союз доорунда,

Эгемендик алып колуна.

Өркүндөй бер гүлдөп өсө бер,

Өз тагдырың эми колуңда.

Эркиндиктин туусу желбиреп,

Эл-Журтума күчтүү дем берет.

Өркүндөй бер гүлдөп өсө бер,

Азаттыктын улуу жолунда.

Ар улуттан турган калкым бар,

Өз элиңе кадыр баркың бар.

Көк мелжиген бийик тоолоруң,

Каухар, күмүш мүмкүн алтын бар.

Өз элиңе кадыр баркың бар.

Бүт дүйнөгө жеткен даңкың бар!