Улар үнү жаңырган, Улуу тоодо,
Бүркүт үнү шаңшыган, Аска зоодо,
Аккалпакчан Кыргыздар, Мөңгү өңдүү,
Асман тиреп турабыз Сары-Колдо.
Кайберенге пааналап сүкүт чалып,
Манас ата, Манас деп ураан тартып,
Тизе бүкбөй Кудайдан башка жанга,
"Ата журтун" Манастын биз кайтарып!
Манас атам баскан деп издерини,
Жылга жыбыт, коктуда биз жашайбыз.
Бүгүн бөлүк жерибиз бөтөн элде,
Арасатта турабыз өгөйлөнүп..
Күйгөн-токой, Жыланды жерлерибиз,
Көгөндө кишинебейт кулунубуз.
Булуң-Көл, Зор-Көл, Жашыл-Көлдө,
Аңырдын үнүн угалбай убарабыз...
А.Примбердиев