Мамлекеттик миграция кызматынын чакыруусу менен келген Ооганстан республикасынын Бадахшан провинциясынын губернатору Бикзат Ахмад Фейсал баштаган делегация вице-премьер-министр Чолпон Султанбекова менен жолукту.
Өкмөт аппаратынын маалымат кызматы билдиргендей, жолугушууда тараптар Улуу жана Кичи Памирде жашаган этникалык кыргыздардын социалдык-экономикалык абалы, билим берүү, саламаттык сактоо жана азык-түлүк коопсуздугуна байланышкан көйгөйлөрдү талкуулашты.
Ооганстанда жашаган этникалык кыргыздарды Кыргызстанда окутуу мүмкүнчүлүктөрү тууралуу да маселе каралды.
Вице-премьер-министр Памирдеги кыргыз балдарын окутууну уюштуруу милдетин Кыргызстан өзүнө алууга даяр экенин билдирип, мекендештердин социалдык абалын жакшыртуу маселеси өкмөт тарабынан чечилүү деңгээлинде турганын айтты.
Бүгүнкү күндө Памирде жалпысы болуп 2 миңге жетпеген этникалык кыргыз жашайт.
Оставить комментарий
Убедитесь, что вы вводите (*) необходимую информацию, где нужно
HTML-коды запрещены