Ош шаарынан Тажикстандын Мургаб районуна 2 жума мурун кеткен 30га жакын жүргүнчү Кызыл-Арт ашуусунан өтө албай турушат. Бул тууралуу жүргүнчүлөрдүн тууганы Акжол Кудайбердиев билдирди.
Анын айтымында, Сары-Могол айылынан ары 17 чакырымдагы Кызыл-Арт ашуусунда 6 унаадагы 30га жакын жүргүнчү бар.
Ошондой эле, 140 чакырым алыстагы Кара-Көл ашуусунан Мургабга өтө албай турган жүргүнчүлөр бар экени айтылууда.
Жергиликтүүлөрдүн айтымында, Сары-Моголдон атайын техника жалданып, жолду ачуу аракеттери көрүлгөн.
Бирок, катуу боорон кайрадан жолду жаап калууда. Кара-Көл ашуусунан Мургабга баруучу жол дагы жабык болгондуктан Тажикстандан дагы техникалар кире албай жатат.
Оставить комментарий
Убедитесь, что вы вводите (*) необходимую информацию, где нужно
HTML-коды запрещены