Жай айынын аптаптуу күндөрү түн уйкуну ызылдаган чымын-чиркей бузуп тажатат. Алардан кантип коргонууга боло тургандыгы тууралуу бир канча сунуштар берилет.
• Валериананын жыты натыйжалуу табигый репеллент. Анын үстүнө ал кол жетерлик каражат.
• Камфора майынын жыты дагы чиркейлерди кубалайт. Ал үчүн аны эски көмөч казанга ысытат, натыйжада жыты бөлмөгө таркайт.
• Анис, гвоздика, кызыл карагайдын же эвкалиптин жыты чиркейлерден сактайт. Бул өсүмдүктөрдөн алынган жыттуу майларды аромолампанын жардамы менен колдонууга болот.
• Помидордун жытын көптөгөн курт-кумурскалар, анын ичинде чиркейлер жаман көрүшөт. Терезеге идишке отургузулган бир түп помидорду коюп койсо болот.
• Черёмуханын (ак гүлдүү, кара жемиштүү өсүмдүк) жалбырактарын майда туурап терезеге же төшөккө жакын коюп коюу абзел.
• Эгерде сизди чиркей чагып кетсе, кычышкан жерди азыраак марганцовка кошулган эритме, сода эритмеси, бор спирти же “Жылдызча” бальзамы менен сүртүү жардам берет.