Энелерге гүл ордуна ыр сунам
Мен бир байкуш акын сымал ыр жазган,
Менин оюм арзуу сүйүү ыр дастан.
Бардык ырым калбасада тарыхта,
Апакеме өчпөс кылып ыр жазсам.
Тогуз ай жашап келип курсагыңда,
Төрөлдүм өмүр сүрдүм кучагыңда.
Түбөлүк өчпөс болуп кала бердим,
Апаке жүрөгүңдүн түп жагында.
Энелер үйдүн куту жарык шамы,
Апакем ар бир күндүн аткан таңы.
Мөмөсүн жерге чачкан түйшүк менен,
Ааламдын асыл дарак акыл багы.
Эгер тоодо өмүр гүлү өскөндө,
Мен күн сайын Апакеме термекмин.
Өмүрүмдү берүү мүмкүн болгондо,
Бүт өмүрүм энекеме бермекмин.
Апакелер бийиктеги асманым,
Апакем бар мен бир соонун башкамын.
Бүткүл дүйнө энесине ыр белек,
"АПА''-аттуу бул чыгармам дастаным!
Камаров Токтобек Токурович
Токтомуш айылы