Чөлгө барсам, тоого тартат жүрөгүм,
Ал анткени тоого бекем байланган.
Мекен болгон бир ууч Сары-Кол элиме,
Карааныңдан, касиетиңден айланам.
Тоолор, булар карт тарыхтын күбөсү,
Тоолор, булар Сары-Колдун жүрөгү.
Мүрөк суусун таппай силер жүрсөңөр,
Ишенгиле тоодо жашоо мүрөгү.
Улуу тоодо улары бар, аркар бар,
Койнунда бар алтын, күмүш, көөхарлар.
Байланышкан тоого элдин тагдыры,
Тоо койнунда далай-далай дастандар.
Дем, күч берчи сендей бекем болоюн,
Эч бир нерсе майтара албаган.
Ант беремин сага улуу тоолорум,
Кан, жанымды сага гана арнагам.
Мухаммед-Кадыр ХАЛИКОВ
Шаймак айылы