САРЫКОЛУМ

САРЫКОЛУМ

Сарыкол мекенимди ыйык тутам,
Бөлөк жерде сагынам сендик кусам.
Уя болсоң мен балапан сендеги,
Сенде өсүп канат байлап сенден учам.

 

Сарыколум кулжаларың басат тоолоп,
Аркар-текең чыйыр салат бийик зоолоп.
Тоо көркүнөн эргүү алган балдарыңдын,
Жүрөгү да тоолоруңдай бийик болот.

 

Сарыколум жүрсөм жерде башканын,
Сагынамын таңдарыңдын атканын.
Мен билбеймин Кара-Көлдүн көлүнүн
Толкунунда канча сырлар жатканын.

 

Сарыколум дайраларың агылуу,
Канчалаган ыссык суулар даарылуу.
Сарыколум укмуштугуң көрктөрүң,
Чырак таштын нурларында чагылуу.

 

Сарыколум ата-бабам жерлеген,
Ыйыктыгың жан бар бекен сезбеген.
Сендей укмуш кайталангыс жеримдин,
Көркүн жазып бүтө албайм сөз менен.

 

Аблечов Мирлан,

11-класстын окуучусу, Ыраң-Көл айылы

«САРЫКОЛ» пресс.

www.sary-kol.ru

Дополнительная информация

Урматтуу окурман, эгер сизде да ушул сыяктуу элибизге, жерибизге байланыштуу материалыңыз болсо, тезинен дүйнө жүзү менен бөлүшүңүз. Биз кабарыңызды заматта жер жүзүндөгү мекендештерге жеткиребиз. Алар көрүп, окуп, сиздин кабарыңызга үн кошушат.


Кабарыңызды кыскача баяндап жана кабардын аудиосун, видеосун, сүрөтүн да кошуп Viber же WhatsApp аркылуу +79278161260 номерине жөнөтсөӊүз болот. Кабар сайтыбыздын "САРЫКОЛ КАЙРЫКТАРЫ" бөлүмүнө чыгат.