Баркынды билбес жанга байлаганча,
Кайгы тартбай жүрө бергин жалгыздыкта.
Кырчындай өмүрүңдү кор кылбастан,
Башканы өкүнбөстөн сүйүп жаша.
Жакшы сөз, дайым сага арнабаса,
Сени аяп сезимиңди баалабаса.
Кыйналып сыздай бербей басып кетчи,
Кылычы кылчактатбай муунтса да.
Өмүргө бир келген соң адам болуп,
Өкүнбөй жашап өтүү жакшы жорук,
Ыйлатбай сезимдердин баасын билип,
Жан дүйнөң туйлап турсун кутка толуп.
Бутуңду эгер сенин тушап турса,
Акырын жигин издеп чечип ташта.
Арманда, ыйлап өмүр өткөргөнчө,
Кайрымсыз махабатты кечип ташта.
Эркеайым Мамытова
Мургаб-Бишкек