Ак калпакчан Аска тоодой элим аман бол.
Төп сүйлөгөн эл кадырын бегим аман бол.
Көргөн күнгө таң калбаймын тагдыр ушундай,
Кең Чоң-Алай, Сары-Колум тегим аман бол.
Эл караган, журт караган өртүң аман бол,
Гүл чайпалган келин-кыздар селкиң аман бол.
Too суусундай шаркыраган коошуң аман бол,
Тели-теңтуш, жоро-жолдош досум аман бол.
Насыйкатты көп сүйлөгөн карың аман бол,
Неберелер, чөбөрөлөр баарың аман бол.
Баарыңарга бул дүйнөдө чоң тилегим,
Бала-барка кыз-келиндер, жарым аман бол.
Ордолуу Ош, Памир, Алай төрүм аман бол,
Манас журту ак калпакчан шериң аман бол.
Күн, Ай, жылдыз, көгүм асман аман бол,
Алла-таала чын жараткан жерим аман бол.
Халил Мурзакматов